Rusiya prezidenti Vladimir Putin hökumətə Аn-148 sərnişin təyyarəsinin qəzaya uğrama səbəblərinin araşdırılması ilə bağlı xüsusi komissiya yaradılmasını tapşırıb.
Modern.az Rusiya KİV-lərinə istinadən xəbər verir ki, bunu prezidentin mətbuat katibi Dmitriy Peskov bildirib. D.Peskov qəzada qohumlarını və yaxınlarını itirənlərə Rusiya prezidentinin başsağlığını çatdırıb.
Fevralın 11-də Moskvanın "Domodedovo" hava limanından qalxan təyyarə 2 dəqiqə sonra qəzaya uğrayıb. Göyərtəsində 65 sərnişin və 6 heyət üzvü olan təyyarənin qalıqları Moskva ətrafında Ramensk rayonunun Stepanovsk kəndi ərazisində aşkarlanıb. Təyyarənin göyərtəsindəki 71 nəfərin hamısı həlak olub.
