İqtisadçı Samir Əliyev Avropa Şurasının Yerli və Regional Hakimiyyətlər Konqresinin Yerli Özünüidarəyə Dair Avropa Xartiyasının Müstəqil Ekspert Qrupuna tamhüquqlu üzv (Full Member of the Group of Independent Experts on the European Charter of Local Self-Government for Azerbaijan) seçilib.
Bu barədə Modern.az-a məlumat verən S.Əliyev bildirib ki, üzvlüyə qəbulu barədə Konqresin baş katibi Andreas Kieferinin rəsmi məktubunu alıb:
“Bunda sonra 5 il müddətinə Ekspert Qrupunda Azərbaycanı təmsil edəcəm və Avropa Xartiyasının ölkəmizdə tətbiqi səviyyəsini qiymətləndirəcəm”.
