Mingəçevirdə baş verən 3 iyul tarixli enerji qəzasından sonra içməli su təminatında yaranan fasilə tamamilə aradan qaldırılıb.
Bu barədə Modern.az-a məlumat verən “Azərsu” ASC-nin İctimaiyyətlə əlaqələr şöbəsinin müdiri Anar Cəbrayıllı bildirib ki, artıq su verilişində rejim tam bərpa edilib:
“24 saat və qarfiklə su alan abonentlərimiz əvvəlki rejimdə duyla təmin edilir. Anbarlarda kifayət qədər su ehtiyatı toplanıb”.
Qeyd edək ki, qəza nəticəsində ölkənin enerji sistemi çökdüyündən su fasilələrlə verilirdi, bəzi yerlərdə tamamilə kəsilmişdi.
