“Avropa Şurası Parlament Assambleyasında baş verənləri, bununla bağlı atacağımız addımları müzakirə etdik”.
Modern.az-ın xəbərinə görə, bu sözləri Türkiyənin xarici işlər naziri Mövlud Çavuşoğlu azərbaycanlı həmkarı Elmar Məmmədyarovla görüşdən sonra keçirilən mətbuat konfransında deyib.
M. Çavuşoğlu bildirib ki, bugünkü görüşə Səməd Seyidov da qatılıb: “AŞPA təsirini və hörmətini itirməyə başlayıb. Bu təşkilatlar bizim üçün də, Avropa üçün də önəmlidir. Bu məsələlərdə Azərbaycanla birgə işləməyə davam edəcəyik”.
