Zəvvarları daşıyan avtobusa silahlı hücum olub. Modern.az xəbər verir ki, hadisə Misirin Bəni Suef əyalətində qeydə alınıb.
Məlumata görə, xristian kipti zəvvarlarını aparan üç avtobus Müqəddəs Samuel monastırı qarşısında naməlum dəstənin hücumuna məruz qalıb və onlardan biri gülləbaran edilib. Nəticədə 7 nəfər ölüb, 14 nəfər yaralanıb. Ölən və yaralananlar arasında qadınlar və uşaqlar da var.
