Xəbər verdiyimiz kimi, martın 13-də paytaxtın Nərimanov rayonunda, Əhməd Rəcəbli küçəsi 21-də yerləşən "Köz dönər" kafesində dönər yeyən 7 nəfər zəhərlənmə diaqnozu ilə Kliniki Tibbi Mərkəzə yerləşdirilib.
Səhiyyə Nazirliyinin mətbuat xidmətinin əməkdaşı Səfayə Əhmədova Modern.az-a bildirib ki, xəstələrin hamısının vəziyyəti normal olduğu üçün evə buraxılıblar.
Qida Təhlükəsizliyi Agentliyindən (QTA) Modern.az-ın sorğusuna cavab olaraq bildirilib ki, paytaxtın Nərimanov rayonunda, Əhməd Rəcəbli küçəsi 21-də yerləşən "Köz dönər" kafesində araşdırmalar davam edir.
Qeyd edilib ki, kafedəki məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib:
“Araşdırmalar yekunlaşdıqdan sonra nəticələrə dair sizə ətraflı məlumat veriləcək”.
