Gürcüstanda Vahid Milli Hərəkat Partiyasının qurultayı keçirilib.
Modern.az Gürcüstan mətbuatına istinadən xəbər verir ki, qurultayda
Qriqol Vaşadze səs çoxluğu ilə partiyanın yeni sədri seçilib.
Q.Vaşadzenin namizədliyinin lehinə 364 nümayəndə, əleyhinə 1 nəfər səs verib. O, sədrliyə yeganə namizəd olub.
Qriqol Vaşadze sonuncu seçkilərdə prezidentliyə namizəd olub. O, 2008-2012-ci illərdə Gürcüstanın xarici işlər naziri postunu tutub.
Qeyd edək ki, Vahid Milli Hərəkat Partiyasına bundan əvvəl sabiq prezident Mixail Saakaşvili rəhbərlik edib. M.Saakaşvili bugünkü qurultaya videobağlantı ilə qatılıb.
