“Mediada müəyyən ekspertlər tərəfindən Mərkəzi Bankın manatın məzənnəsini süni yolla tənzimlədiyi barədə fikirlər söylənilir. Lakin iqtisadi göstəricilər bunun əksinədir”.
Modern.az-ın məlumatına görə, bunu Mərkəzi Bankın İdarə Heyətinin sədri Elman Rüstəmov deyib.
O bildirib ki, belə olsaydı, qrafikdən qabaq satış olardı:
“Mərkəzi Bank birinci rübdə 150 milyon dollardan çox valyuta vəsaiti alıb, bunun hesabına valyuta ehtiyatları artıb. Bazardan az miqdarda valyuta almışıq. Bu vəsait həm də bizim valyuta ehtiyatlarımızın idarə olunmasından əldə olunub”.
“Biz bazarı intervensiya etməmişik, əksinə, bazarla da münasibətlərimiz müsbətdir”-deyə sədr qeyd edib.
