Azərbaycan Qida Təhlükəsizliyi Agentliyi (AQTA) Şabranda 17 nəfərin qidadan zəhərlənməsi faktına görə araşdırmalara başlayıb.
Bunu Modern.az-a AQTA-nın mətbuat katibi Aysel Fərziyeva bildirib.
Mətbuat katibinin sözlərinə görə, qurumun mütəxəssislərindən ibarət araşdırma qrupu hadisə yerinə ezam olunub:
“Agentlik əmkdaşları tərəfindən araşdırmalara başlanılıb və araşdırmaların nəticələri ilə bağlı ictimaiyyətə məlumat veriləcək”.
Səhiyyə Nazirliyinin mətbuat xidmətindən Modern.az-a bildirilib ki, qida zəhərlənməsi ilə bağlı Şabran Rayon Mərkəzi Xəsətəxanasına 15 nəfər müraciət edib:
“Onların hansı qidadan zəhələndiklərini müəyyən olunmayıb. Çünki bəziləri tort, bəziləri digər qidaları yedikdən sonra vəziyyətlərinin pisləşdiyini bildirib. Hazırda xəstələrin müalicəsi davam etdirilir”.
Eyni zamanda daha 3 nəfərin zəhərlənmə ehtimalı ilə xəstəxanaya müraciət etdiyi qeyd edilib.
