Türkiyədə bir sutkada koronavirusdan daha 97 nəfər dünyasını dəyişib.
Modern.az xəbər verir ki, bu barədə Türkiyənin Səhiyyə naziri Fəxrəddin Qoca məlumat açıqlayıb.
Nazir qeyd edib ki, son 24 saatda 35 720 şübhəli koronavirus testindən keçib:
"Testdən keçənlərdən 4789 nəfərinin cavabı pozitiv çıxıb. Türkiyədə yeni növ koronavirusdan indiyədək 1198 nəfər ölüb, 56 956 nəfər bu infeksiyaya yoluxub. Onlardan 1665 nəfəri reanimasiyadadır, 3446 nəfərin isə müalicəsi müsbət nəticə verib. Bu gün müalicə olunan 481 xəstə evə buraxılıb".
F.Qoca qeyd edib ki, indiyək 376 100 nəfər testdən keçib.
