Bakıda 2, Abşeronda 1, Sumqayıtda 1 xəstəxana istifadəyə veriləcək.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində "Tibbi Ərazi Bölmələrini İdarəetmə Birliyinin" (TƏBİB) İdarə Heyətinin sədri Ramin Bayramlı məktəblərin xəstə qəbulu üçün hazırlanması ilə bağlı sualı cavablandırarkən bildirib.
O qeyd edib ki, hətta bütün xəstəxanalar dolsa belə, xəstələrin məktəblərdə qəbulundan söhbət gedə bilməz:
"Xəstəxanalar bütün lazımi avadanlıqlarla təchiz olunub. Qısa müddətdə nöqsanlarımızı analiz edib zəruri ehtiyacları müəyyən etdik və hazırda bununla bağlı heç bir problem yoxdur".
