Vətəndaşlar özlərində yuxarı tənəffüs yollarına xas olan əlamətlər müşahidə etdikdə ilk növbədə təcili tibbi yardım xidmətinə müraciət etməlidirlər.
Modern.az-ın məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın brifinqində deyib.
Onun sözlərinə görə, xəstəlik aşağı tənəffüs yollarına keçdikdə ağırlaşır:
"Xəstədə xırıltılar, nəfəs çatışmazlığı varsa, dərhal rentgenoloji müayinələr aparılır".
R.Bayramlı qeyd edib ki, xəstəyə yalnız PSR analizi ilə diaqnoz qoyulur:
"Xəstədə simptomlar varsa və xəstə insanlarla təmasda olubsa, həkimə müraciət edə bilərlər. Digər növ analizlərə etimad göstərilmir".
