Koronavirusa Mübarizəyə Dəstək Fonduna 113 milyon manata qədər vəsait toplanıb.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində Nazirlər Kabinetinin mətbuat xidmətinin rəhbəri İbrahim Məmmədov deyib.
O qeyd edib ki, indiyə qədər bu vəsaitin xərclənməsinə ehtiyac olmayıb:
"Əgər ehtiyac olarsa, İctimai nəzarət şurasının nəzarəti ilə bu vəsait xərclənə bilər. Amma hələ ki buna ehtiyac yoxdur. Dövlət bu vaxta qədər lazım olan bütün xərcləri ödəyə bilib. Ona görə də bu vəsait istifadə olunmayıb".
