"Xroniki xəstəliyi olanlar özlərinin dərmanlarını əvvəldən ala bilərlər. Bu baxımdan bu həftənin sonunda tətbiq ediləcək sərt karantin günlərində hər hansı problemin yaranacağını gözləmirik".
Modern.az-ın məlumatına görə, bunu Tibbi Ərazi Bölmələrini İdarəetmə Birliyinin (TƏBİB) sədri Ramin Bayramlı Nazirlər Kabineti yanında Operativ Qərargahın brifinqində deyib. Onun sözlərinə görə, ötən həftə ərzində də bununla bağlı problem yaranmayıb:
“Bu həftə ərzində də vəziyyətin belə olacağını gözləyirik. Vətəndaşlar sərt karantin günlərində hər hansı sui-istifadə halına yol vermədən təcili tibbi yardıma müraciət edə bilərlər. Aparılan analizlər onu göstərdi ki, ötən dəfə təcili tibbi yardıma müraciətlə bağlı sui-istifadə hallarına yol verildi. Əgər belə hallara yol verilməsə, sərt karantin günlərində təcili tibbi yardıma müraciət edənlərin sayı azalar".
