“Tibbi Ərazi Bölmələrini İdarəetmə Birliyi” (TƏBİB) ofis binalarının əməkdaşları, sahibkarlar və menecerlərə müraciət edib.
Modern.az-ın məlumatına görə, TƏBİB-in yaydığı müraciətdə bildirilib ki, ofis daxilində COVID-19 infeksiyasından qorunmaq üçün qaydalara əməl etməlidirlər.
- Əməkdaşlar COVID-19 haqqında maarifləndirilməli, ofisdə gigiyenaya riayət etməyə təşviq etməklə bağlı posterlər yerləşdirilməlidir.
- Xəstəliyi olan əməkdaşlar ofis binasına buraxılmamalı və evdə izolyasiya olunmasına şərait yaradılmalıdır.
- Ofisdə asqırarkən və ya öskürərkən ağız və burun birdəfəlik salfetlə örtülməlidir.
- Ofis birdəfəlik salfetlərin atılması üçün qapalı zibil qabları ilə təmin olunmalıdır.
- Ofis əlləri dezinfeksiya etmək üçün içində dezinfeksiyaedici məhlul olan dispenserlərlə təchiz olunmalıdır.
