“Sərt karantin günlərində itlərin gəzintisinə icazə verilsə də, vətəndaşlar bundan sui-istifadə etməməlidirlər.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində Baş Dövlət Yol Polisi İdarəsinin (BDYPİ)İctimaiyyətlə əlaqələr şöbəsinin rəisi Kamran Əliyev bildirib.
K.Əliyev qeyd edib ki, ev heyvanlarının küçəyə çıxması zəruridir:
"Amma kimsə özü itini gəzdirdikdən sonra qonşusuna gəzmək üçün verməməlidir. Gündəlik yoluxma 300 nəfərdən çoxdursa, vəziyyətin ciddiliyini nəzərə almalıyıq".
