Qrip tipli respirator xəstəliklərdə immunitet çox gec yaranır. Hazırda xəstəliyi keçirmiş vətəndaşlardan sereloji testlərin keçirilməsinə başlamışıq.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində "Tibbi Ərazi Bölmələrini İdarəetmə Birliyi"nin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva bildirib.
Y.Qarayeva qeyd edib ki, onun yaxınları, qohumları arasında da virusa yoluxmuş şəxslər var:
"Koronavirusa yoluxmuş xəstənin təkrar yoluxması halı ilə bağlı isə dəqiq məlumat yoxdur".
