“Son brifinqlər əsasən Vətən müharibəsinə həsr olunurdu. Amma COVID-19 cəbhəsindəki düşməni də unutmamalıyıq”.
Modern.az xəbər verir ki, bunu Prezidentin köməkçisi-Prezident Administrasiyasının xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın bu gün keçirilən brifinqdə deyib.
H.Hacıyev qeyd edib ki, qonşu ölkələr-Rusiya,Türkiyə, Gürcüstanda yüksək yoluxma tendenaiyası müşahidə olunur:
"Bu, ölkəmizi də narahat edir. Azərbaycanda da gündəlik əsasda yoluxma sayları 2 mindən çoxdur, ölüm sayları artıb. Ölkəmizin tibb sisteminin əsasən yaralı əsgərlərimizin sağaldılmasına həsr olunduğundan, COVİD-ə yoluxma bizi narahat edir. İntensiv terapiya yerlərinin məhdudlaşması bizi karantin rejiminin sərtləşdirilməsinə gətirib çıxardı. Sərtləşdirmə 21 noyabrdan etibarən qüvvəyə minəcək".
