Türkiyədə son sutkada yeni növ koronavirusa (COVID-19) yoluxma 10 minə yaxınlaşıb.
Modern.az xəbər verir ki, bu barədə Türkiyənin səhiyyə naziri Fahrettin Koca bildirib.
Nazir bildirib ki, son iki həftədə yoluxma sayı 2 dəfə artıb. Türkiyədə gündəlik statistikaya əsasən, COVID-19 infeksiyası ilə əlaqədar 214 196 nəfər test edilib, onların 9586-nın koronavirus testi pozitiv nəticə verib, 5093 nəfər sağalıb. 52 nəfər bu infeksiyadan ölüb.
Nazir kütləvi peyvəndlənmənin cəmiyyətin qarşısında duran vacib məsuliyyət olduğunu vurğulayıb.
