Afrikada koronavirusa yoluxanların sayı 6,96 milyon nəfəri ötüb.
Modern.az-ın məlumatına görə, bu barədə Afrikanın Xəstəliklərə Nəzarət və Profilaktikası Mərkəzlərindən bildirilib.
Məlumata əsasən, avqustun 7-dək Afrikada koronavirusa 6 964 194 nəfər yoluxub. İndiyə qədər koronavirusa yoluxanlardan 175 878 nəfəri vəfat edib, 6 082 655 nəfəri isə sağalıb.
Ən çox yoluxma halları Cənubi Afrika Respublikasında, Mərakeşdə, Tunisdə, Misirdə və Efiopiyada qeydə alınıb.
