İranla bağlanmış nüvə sazişinin xilasına xidmət edən və hazırda yarımçıq saxlanan Vyana danışıqları sentyabr ayında davam etdirilə bilər.
Modern.az CNN-ə istinadla xəbər verir ki, Avropa İttifaqının (Aİ) rəsmi dairələri bu barədə mətbuata məlumat veriblər.
Bildirilib ki, İran təmsilçiləri də ötən günlərdə Vyana danışıqlarının bərpa olunma ehtimalına dair fikirlər səsləndiriblər. Aİ tərəfi İranda yeni hökumətin təşkilindən dərhal sonra danışıqların yeni mərhələsinin başlanacağına ümid bəsləyir.
