“Hazırda səhhətimdə hər hansı problem yoxdur, yaxşıyam. Artıq müalicəm başa çatıb. 3, 4 gün xəstəxanada qaldım. İndi xəstəxanadan çıxmışam, amma hər gün yoxlama üçün ora gedirəm, bayaq da yoxlanmaq üçün xəstəxanadaydım. Gələn həftə Bakıya gələcəyəm”.
Bu sözləri Modern.az-a səhhəti ilə bağlı danışan Müasir Müsavat Partiyasının sədri Hafiz Hacıyev deyib.
O, Türkiyədə olsa da, ölkədəki vəziyyətdən xəbərdar olduğunu bildirib: “Partiya öz gücündədir, işləməyə davam edir. Ölməsək, sağ qalsaq, gələn həftədən fəaliyyətə başlayacam”.
Qeyd edək ki, Hafiz Hacıyev bir neçə həftə əvvəl səhhətində yaranan problemə görə Türkiyə xəstəxanalarından birinə yerləşdirilmişdi.
