Türkiyənin "Bursaspor" klubu Azərbaycan millisinin futbolçusu Namik Ələskərov ilə müqavilə imzalayıb.
Modern.az xəbər verir ki, Türkiyənin Birinci liqa təmsilçisi bununla bağlı sosial media səhifəsində paylaşım edib.
26 yaşlı yarımmüdafiəçi ilə imzalanmış müqavilənin detalları barədə məlumat verilməyib.
Qeyd edək ki, Namik Ələskərov 2017-ci ildən “Neftçi”də çıxış edib.
O, 2020/2021-ci il mövsümündə Bakı təmsilçisinin heyətində Azərbaycan Premyer Liqasının qalibi olub.
Yarımmüdafiəçi həmin mövsüm 19 qolla çempionatın bombardiri adını qazanıb.
