“Avropa Mobillik Həftəsi” çərçivəsində Azərbaycan könüllüləri ilə "Gənclər Hərəkətdə" adlı görüş keçirilib. Bakı Nəqliyyat Agentliyindən (BNA) Modern.az-a verilən məlumata görə, “Nəqliyyat Könüllüləri” proqramının rəhbəri Nahid Quliyev kampaniyanın mahiyyəti və həyata keçiriləcək tədbirlər haqqında iştirakçılara məlumat verib.
Azərybaycan Könüllü Təşkilatları İttifaqının sədri Yusif Vəliyev üzv təşkilatların könüllülərinin həftə çərşivəsində keçiriləcək fəaliyyətlərdə fəal iştirak etməyə səsləyib.
Könüllülərə ictimai nəqliyyatyönümlü şəhərsalma, piyada hərəkətinin, velosiped istifadəsinin və ekoloji təmiz nəqliyyat vasitələrinin təşviqinin önəmi haqqında məlumat verilib.
NİİM-in monitor zalına səfər edən könüllülər şəhərin daha çox sıxlıq müşahidə olunan küçə və prospektlərinin nəqliyyat axınını izləyib və iş prosesi ilə yaxından tanış olublar.
Qeyd edək ki, bu il kampaniyanın devizi "Təhlükəsiz və Sağlam Dayanıqlı Mobillik"dir. Bakı Nəqliyyat Agentliyi ilk dəfə paytaxtımız Bakını bu kampaniyada təmsil edir.
