Bakı Şəhər İcra Hakimiyyətinin başçısı Eldar Əzizovun təqaüddə olan polis generalına vəzifə verdiyi barədə xəbər yayılıb.
Modern.az xəbər verir ki, "Qaynarinfo”nun məlumatına görə, Eldar Əzizovun müvafiq əmri ilə polis general-mayoru Sahib Mirzəyev Bakı Şəhər İcra Hakimiyyətinin başçısının müşaviri təyin olunub.
Polis general-mayoru Sahib Mirzəyev bundan əvvəl Daxili İşlər Nazirliyinin (DİN) Daxili Təhqiqatlar İdarəsinin rəisi olub. O, ötən ilin iyulunda Daxili İşlər naziri, general-polkovnik Vilayət Eyvazovun əmri ilə təqaüdə göndərilib.
Modern.az xəbəri dəqiqləşdirmək üçün Bakı Şəhər İcra Hakimiyyətinin Mətbuat xidməti ilə əlaqə saxlayıb. Lakin qurumdan bu haqda açıqlama vermək istəməyiblər: "Təyinat olsa, açıqlama veriləcək".