Azərbaycan qanunvericiliyinə "volosiped zolağı" və "volosiped yolu" anlayışları əlavə edilir.
Modern.az xəbər verir ki, bu barədə məsələ Milli Məclisin bu gün keçirilən iclasında müzakirəyə çıxarılan "Yol hərəkəti haqqında" qanuna dəyişiklik layihəsində əksini tapıb.
Dəyişiklikdə qeyd olunur ki, velosiped zolağı yolun hərəkət hissəsinin velosipedlərin hərəkəti üçün nəzərdə tutulmuş, uzununa nişanlanma xətti ilə ayrılmış hissəsidir. Həmçinin “velosiped yolu” avtomobil yolundan və ya avtomobil yolunun digər elementlərindən konstruktiv şəkildə ayrılan, velosipedlərin hərəkəti üçün işarələnmiş ayrıca yol hesab ediləcək.
