"Cənab Kobaxidzenin dedikləri yəqin ki, onun özü və komanda yoldaşları üçün lazımdır, çünki onun dedikləri Gürcüstan cəmiyyəti üçün tamamilə əhəmiyyətsizdir".
Modern.az Gürcüstan mediasına istinadən xəbər verir ki, bu sözləri "Vahid Milli Hərakat" partiyasının sədri Nika Melia deyib.
Melia jurnalistlərə "Gürcü Arzusu"nun sədri İrakli Kobaxidzenin ölkədə 2024-cü ilə qədər erkən seçkilərin keçirilməyəcəyi ilə bağlı bəyanatına cavab verib:
“Cənab Kobaxidzenin istefa verməyəcəyi ilə bağlı verdiyi bəyanatı xatırlayıram, Cənab Kobaxidzenin dedikləri yəqin ki, onun özü və komanda yoldaşları üçün vacibdir, lakin Gürcüstan cəmiyyəti üçün bu, tamamilə əhəmiyyətsizdir. Dəyişikliyə hazırlaşmalıyıq. Dəyişikliyə nə qədər hazır olsaq, ölkədə seçki və ya digər növ müvafiq mübarizənin aparılacağı gün bir o qədər tez gələcək. İctimaiyyət bu mübarizəyə hazır olmalıdır və dövlət mediasının təbliğat xarakterli fikirlərinə əhəmiyyət verməməliyik".
