Azərbaycan Dövlət Neft Şirkəti SOCAR-ın Ukraynadakı törəmə şirkəti (SOCAR Energy Ukraine) normal rejimdə işləyir.
Bu barədə Modern.az-a şirkətdən məlumat verilib.
"Hələ kifayət qədər yanacaq ehtiyatı var, bəzi yanacaqdoldurma məntəqələrində fasilələr ola bilər. Biz mümkün olan hər şeyi edirik ki, hamı üçün kifayət qədər yanacaq olsun", - şirkətin açıqlamasında bildirilib.
Qeyd edək ki, SOCAR Ukraynada 2009-cu ilin dekabrında yaradılan “SOCAR Energy Ukraine” şirkəti vasitəsilə fəaliyyət göstərir. Şirkətin əsas fəaliyyəti neft məhsullarının topdan və pərakəndə, təbii qazın və aviasiya yanacağının topdan satışıdır.
