Rusiya ordusu Ukraynanın paytaxtı Kiyev şəhərini "İsgəndər" ballistik raketi ilə vurub.
Modern.az xəbər verir ki, bu barədə daxili işlər nazirinin müşaviri Anton Qeraşenko bildirib.
"Dəqiq yer və qurbanlar müəyyənləşdirilir", - deyə nazir müavini qeyd edib.
***
21:29
Ukraynanın paytaxtı Kiyev şəhərində bir neçə dəfə güclü partlayış səsləri eşidilib.
Modern.az CNN-ə istinadən xəbər verir ki, yerli vaxtla saat 18:40-da baş verən partlayışların şəhər mərkəzinin cənubunda qeydə alındığı bildirilir.
Məlumata görə, gün ərzində Kiyevdə güclü partlayışlar olub. Hadisədən dərhal sonra paytaxtda həyəcan siqnalı işə düşüb.
