Müdafiə Nazirliyinin rəhbərliyi aprelin 16-da Kəlbəcərdə tank əleyhinə minanı aşkarlamış əsgər Mərdəli Aşurovu mükafatlandırıb.
Modern.az xəbər verir ki, əsgər Mərdəli Aşurov həmin vaxtı 20-ə yaxın insanın həyatını xilas edib.
Nümunəvi həkətinə görə əsgər məzuniyyətə göndərilib.
Xatırladaq ki, aprelin 16-da Kəlbəcərin Günəşli kəndinin sakinləri uzun illərdən sonra azad olunmuş doğma yurdlarına səfər edərkən mina təhlükəsi ilə qarşılaşıblar. Bu zaman təhlükəsizlik məqsədi ilə qrupu minaaxtaranlar müşahidə ediblər. 2003-cü il təvəllüdlü əsgər Mərdəli Aşırov evinə getmək istəyən vətəndaşı müşahidə etdiyi zaman yolun kənarında mina aşkarlayıb. Bununla əsgər 20 nəfərlik qrupu ölümdən xilas edib.
