Böyük Britaniya taxt-tacının vəliəhdi, Uels şahzadəsi Çarlzın xeyriyyə fondu “Əl-Qaidə” terror təşkilatının keçmiş lideri Üsamə bin Ladeninin qohumlarından 1 milyon funt sterlinq alıb.
Modern.az xəbər verir ki, bu barədə “The Times” qəzeti yazıb.
Nəşr qeyd edib ki, 2013-cü ildə Çarlz Londondakı iqamətgahında “Binladin” iri tikinti şirkətinə rəhbərlik edən iş adamı Bəkr bin Ladenlə şəxsən görüşüb.
Şahzadənin məsləhətçiləri onu Üsamə bin Ladeninin ögey qardaşının ianələrindən imtina etməyə çağırsalar da, kraliça II Yelizavetanın böyük oğlu bu tövsiyələrə məhəl qoymayıb.
