İran Azərbaycan və Ermənistan arasında problemlərin həllinə töhfə verməyə davam edir.
Modern.az xəbər verir ki, bunu İran Xarici İşlər Nazirliyinin (XİN) sözçüsü Nasir Kənani bildirib.
“Cənubi Qafqazdakı hadisələrlə bağlı İslam Respublikasının açıq və aydın mövqeyi müxtəlif səviyyələrdə rəsmi şəkildə bildirilib və bu mövqedə heç bir qeyri-müəyyənlik yoxdur. Təəssüf ki, ötən çərşənbə axşamı biz Azərbaycan və Ermənistan arasında hər iki tərəfdən çoxsaylı insan tələfatı və yaralanması ilə nəticələnən yeni sərhəd toqquşmalarının başladığının şahidi olduq. İran bir qonşu kimi regional böhranların həllinə konstruktiv kömək etməyə çalışır. İran təcili siyasi tədbirlər görür”,- deyə XİN sözçüsü qeyd edib.
