Türkiyədə yardıma ehtiyacı olan insanlara gələcəkdə də kömək edəcəyik.
Modern.az xəbər verir ki, bunu İsrailin xarici işlər naziri Eli Kohen türkiyəli həmkarı Mövlud Çavuşoğlu ilə birgə Ankarada keçirdikləri mətbuat konfransında deyib.
“İsrail bu çətin şəraitdə Türkiyə ilə həmrəydir. Bundan sonrakı müddətdə də Türkiyənin yanında olacağıq, ehtiyacı olan insanlara kömək edəcəyik. Çünki qarşıda ciddi problemlər var. Türkiyə və İsrail birgə fəlakətə qarşı birgə mübarizə aparacaq”, - deyə XİN başçısı vurğulayıb.
