Ermənistan polisi Rusiyada axtarışda olan 23 yaşlı gənci fərarilik ittihamı ilə saxlayıb.
Modern.az xəbər verir ki, bu barədə Ermənistan polisi məlumat yayıb.
Moskva polisi tərəfindən axtarışa verilən gənc aprelin 7-də tutulub.
“Moskva hüquq-mühafizə orqanlarının əməkdaşları tərəfindən fərarilik ittihamı ilə axtarışda olan 23 yaşlı Yuri T. tapılaraq İrəvanın Nar-Dos küçəsindəki polis bölməsinə aparılıb”, – Ermənistan polisi bildirib.
Qeyd edək ki, Rusiyada fərariliyə görə beş ildən on ilədək müddətə azadlıqdan məhrum etmə cəzası nəzərdə tutulur.
