Ermənistanın birinci prezidenti Levon Ter-Petrosyan şəxsi iqamətgahında İran İslam Respublikasının fövqəladə və səlahiyyətli səfiri Mehdi Sobhani ilə görüşüb.
Modern.az xəbər verir ki, bu barədə Levon Ter-Petrosyanın Facebook səhifəsində bildirilib.
İki saata yaxın davam edən söhbətdə Ermənistan-İran dostluğunun möhkəmləndirilməsi, iqtisadi və mədəni əlaqələrin dərinləşdirilməsi, o cümlədən regional təhlükəsizliyin təmin edilməsi və kommunikasiya marşrutlarının fasiləsiz fəaliyyətinin təmin edilməsi və inkişafı məsələləri ətraflı müzakirə olunub.
