29 Sentyabr 2017, 11:21 | Ana Səhifə - Yazılar - Artist pulları, rüşvətxor əllər, dəyərləşən şor...
Artist pulları, rüşvətxor əllər, dəyərləşən şor...

Vəfa Allahverdiyeva    


ATV-nin artıq keçmiş olan sədri Vüqar Qaradağlının başına son  gələnlər  “sandıq açılıb, pambıq töküləcək” misalında maraqlı bir  məsələ kimi görünür.

Dünənə kimi artist zümrəsindən bir nəfərin də cınqırı çıxmırdı ki, televiziyalar onlara məhz rüşvət qarşılığında gen-bol efir üzü göstərir.

Hansı kanalı açır, hansı verilişi seçmək istəyirsən, qənşərinə artist çıxır-öz həyatından, özgə taleyindən bəhs edən və hətta ekspert qismində. Gör iş nə yerə çatıb ki, onlar topluma ağıl verir, yol göstərir, təsəlli olur, daha nələr, nələr...   

 

Əslində ordan-burdan topluma sızırdı ki, şöhrət dənizində üzmək üçün dəridən-qabıqdan çıxan yeni artist nəsli  müstəqil televiziyalara karlı görüm-baxım edir.  Yoxsa ki,  ərindən, taleyindən  küsüb gələnlərin səhnə yolu, populyarlıq qisməti  bu qədər hamar və rahat olmazdı.     

Təmtəraqlı sənətçi evlərindən çəkilən verilişlər də həmçinin...jurnalisti əli dolu, cibi dolu edən proyektlərdir bunlar. Məlum: pul bir ingilisdə, bir də indiki zəmanədə artist tayfasında.

Qarışqa şırəyə daraşan kimi elektron KİV-də, neçə illərdir, bu şirəni özünə yaxşıca yem yeri edib.

Yəni, artistin qazandığı  kapitalın səbəbkarı da, bu kapitala dolayısı şərik olan da televiziyalardır-anlaşılırdı bu.

Yeniliksə  etiraflardadır.

Kimsənin dilindən  təsdiq, şahidlik   formasında efirin başında dayanan  böyüklərin  paxırı açılmırdı.  

Həm də heç bir “ünlü”nün “sənət zirvəsi”nin sirri öz dili ilə faş olunmurdu. Badalaq Vüqar Qaradağlı ilə eyni vaxtda göbələk kimi bir gecədə artan artist zümrəsinin özünə də vurulub, rüşvət etirafı növbəsinə dayananların xəbəri yox.     

Yaxşı ki də hamının paxırı açıldı. Lap yıxılana zərbə vurmaq kimi çıxsa da. Gedənin dalınca danışmaq olsa da. Nəyə görə?

Ona görə ki, bu zamana kimi yağla şorun yerinin dəyişik düşməsi, istedadsızların sürətlə populyarlıq mərtəbəsinə dırmanması nədənlərini dəqiq bir səbəbdə, bir  ünvanda  axtarmaqda zorlanırdıq. Elə hey deqradasiya, deqradasiya şikayəti. Mənəvi aşınma yanlış efir təbliğatıyla təməl atırdı, qışqırıqlarsa ünvana çatmırdı.  

Anlayırdıq ki, televiziyalar meydan verməsə, soyunanlar ulduz statusunun həndəvərinə yaxın düşə bilməz. Belələrinə sonra-sonra xalq artisti, əməkdar artist qapısı da aralanmaz. 

Belələri böyük-böyük adamların toylarında böyük hesablara iddia da edə bilməz.

Belələri gənc qızlara, oğlanlara etalon da olmaz. 

Xeyli uzaq zamanlarda Dövlət Televiziyasının iki solisti var idi: Nisə Qasımova, Xədicə Abbasova.

Hər adamı televiziyaya buraxmazdılar. Elə indi də dövlətə xidmət edən televiziya bu ənənəni saxlayır: hər yoldan ötənə, nə yumşaq üz göstərir, nə də rüşvətə şirniklənən əl.

Muğam müsabiqələrində özünü professional, ədəb-ərkanlı tanıdan, Konservatoriyanın vokal, opera  səviyyəsindən keçib gələn gənc istedadlardan başqa, çadır toyları, restoran, bar məktəbi keçmiş  səsindən müştəbehlərə meydan vermir, onları dolayısı ilə  zövq, səviyyə, sanbal, peşəkarlıq axtarmayan pulgir  televiziyaların adresinə yönəldir.      

Mikrofonu əvvəl-əvvəl əlinə uşaq oyuncağı kimi alıb, sonra  soyunmaqla səhnəni “fəth etmək” nümunəsini cəmiyyətdə ilk   yaradanın  kimliyi yox,  onları efirin parlaq  lampaları altına gətirən televiziyaların mənəvi cinayətkarlıqla məşğul olmasının etirafı nə qədər ağırdır!!!  

Bu ölkədə 700 ballıq savadını göstərən onlarla gənc, televiziya tribunasından niyə ekspert olmasın!

Bacarıqlı  həkimlər niyə tele-ulduza çevrilməsin!

Jurnalistikanın gözəl imzaları-Hüseynbala Səlimov, Azər Hüseynbala və hörmətə layiq onlarla qələm insanı Azərbaycan miqyası üçün populyarlığı haqq etdiyi halda, efirdə gözümüzü ancaq ordan-burdan gəlmiş artistlər “mazol” etməlidir?!

Hanı muğam müsabiqələrindən üzünü və  səsini yaxşı tanıdan  istedadlar?! Müstəqil televiziya onlara efirin imkanlarını yaradırmı?

Çünki nə həkimdə, nə jurnalistdə, nə 700 bal toplamış tələbədə, nə muğam həvəskarında televiziyaların büdcəsinə, böyük-böyük adamların cibinə  verə biləcəyi pullar var. Üstəlik, onların dürüst olmayan yollarla şöhrətin zirvəsinə bir az da dırmanmaq niyyəti, yığıb-yığışdırılması qeyri-mümkün pullar qazanmaq çabası.

Vergilər Nazirliyini borclu çıxaran, vergi ödəmə tələbi gələndə, əlinə dəsmal alıb ağlayan artist zümrəsinin televiziyaları ütülü pullarla bəsləməsinin sirri açıqdır: şoru yağdan baha satan, cəmiyyətə “faydalı” təqdim edən  məhz televiziyalardır!   

Birinin ərindən, qardaşından, nişanlısından konfidensial şəkildə pul qoparıb embarqo tətdiq etmək, sonra bu embarqonu tətbiq edilənin özünün rüşvəti qarşılığında aradan götürmək tərtəmiz dələduzluq olsa da heç...bu “fərasətin” hesabına qazanılan pullar da heç...saymayaq, amma əldəqayırma müğənniləri sənətkara, ünlüyə çevirməkdə, əsl sənətin dəyərinin ölməsində, insan zövqünün xarab edilməsində, gənc nəslin pis nümunə ilə böyüməsində bu televiziyalar elə bir günah, məsuliyyət daşıyırlar ki,  bunun hesabı ən radikal formalarda belə sorulmalıdır. 

 

MÜƏLLİFİN DİGƏR YAZILARI
İtaliyada bir gündə koronavirusdan 700-ə yaxın ölüm 29 Noyabr 2020, 01:04 Ağdamdakı dağıntılar nüvə silahından da pisdir - Prezidentin köməkçisi 29 Noyabr 2020, 00:55 “7 rayonu təhvil verməsək, Xankəndini itirəcəyik” - Sarkisyanın etirafı üzə çıxdı 29 Noyabr 2020, 00:42 Üç azərbaycanlıya Avropa Voleybol Konfederasiyasında vəzifə verildi - FOTO 29 Noyabr 2020, 00:27 “Qarabağ” öz doğma şəhərinə qayıtdı 29 Noyabr 2020, 00:13 Xırdalanda PARTLAYIŞFOTO 29 Noyabr 2020, 00:00 Türkiyədə koronavirusla bağlı vəziyyət 28 Noyabr 2020, 23:51 Dəm qazı Şirvanda can aldı 28 Noyabr 2020, 23:37 Fransada onlarla polis yaralandı 28 Noyabr 2020, 23:25 “Mançester Siti”dən darmadağın 28 Noyabr 2020, 23:13 “İranın daha bir aliminə qarşı terror aktı törədiblər” - Zərifdən açıqlama 28 Noyabr 2020, 22:57 “Ağdamda ilk dəfə valideynlərimlə birlikdə toyda olmuşam” - Hikmət Hacıyev 28 Noyabr 2020, 22:42 Mətbuat Şurasının sədri Füzulidə həlak olan jurnalistdən yazdı 28 Noyabr 2020, 22:28 Həsən Həsənovun qardaşı vəfat etdi 28 Noyabr 2020, 22:12 “Associated Press”dən Gəncə reportajı - VİDEO 28 Noyabr 2020, 22:05 Ermənistanın Azərbaycana təcavüzü ilə bağlı 3 qətnamə qəbul edildi 28 Noyabr 2020, 21:54 Anar Bağırov koronavirusdan ölən vəkildən danışdı: “Son arzusu...” 28 Noyabr 2020, 21:40 Adını doğruldan qəhrəman şəhid 28 Noyabr 2020, 21:29 BDU-dan qovulan tələbə üzr istədi - VİDEO 28 Noyabr 2020, 21:17 Füzulidə “Toyota” 2 ədəd tank əleyhinə minaya düşüb - RƏSMİ - FOTO 28 Noyabr 2020, 21:03 Millimiz Avropa çempionatında bürünc medal qazandı 28 Noyabr 2020, 21:00 Şirvanda piyadanı maşın vurdu 28 Noyabr 2020, 20:51 “Atatürkün Naxçıvana verdiyi əhəmiyyət illər sonra səmərəsini verdi” - Spiker 28 Noyabr 2020, 20:39 “Bəzən onu “Qafqazın Xirosiması” adlandırırlar” - “France-24” Ağdam haqqında 28 Noyabr 2020, 20:26 “Liverpul” səfərdə xal itirdi 28 Noyabr 2020, 20:15 Xaçmazda ev yandı 28 Noyabr 2020, 20:02 Bu gün Bakıda 550 küçə dezinfeksiya edildi - FOTO 28 Noyabr 2020, 19:55 Biləsuvarda maşın su kanalına düşdü 28 Noyabr 2020, 19:53 Füzulidə minaya düşərək həlak olanlardan biri baş redaktordur 28 Noyabr 2020, 19:48 Minalanmış ərazi olduğunu bildirən işarəyə məhəl qoymayıblar 28 Noyabr 2020, 19:41 Hamını qorudu, amma özünü qoruya bilmədi 28 Noyabr 2020, 19:25 Kəlbəcərin Vəng kəndindən yeni görüntülər - Video 28 Noyabr 2020, 19:19 Tanınmış vəkil vəfat etdi 28 Noyabr 2020, 19:03 Şəhidimizin xanımından qələbə kompozisiyası: "Yenilməzsən, Azərbaycan!" -VİDEO 28 Noyabr 2020, 18:46 Biləsuvarda ağır qəza, bir ölü, iki yaralı 28 Noyabr 2020, 18:36
SORĞU Cəbhə xəbərlərini hansı mənbədən alırsınız?