23 Noyabr 2018, 11:22 | Ana Səhifə - Yazılar - Dekabrın 4-nə nə qalıb ki, Mahir Qabiloğlu?
Dekabrın 4-nə nə qalıb ki, Mahir Qabiloğlu?

Mülatif Adurov,
Azərbaycan Prezidentinin 
fərdi təqaüdçüsü, veteran jurnalist


Onun doğum gününü hər il dekabr ayının 4-də qeyd edərdik. Qeyd edərdik deyəndə ki, təntənəli yığıncaq olmazdı, sadəcə zarafatlaşıb deyib-gülərdik. Onun özü də təvazökar idi, heç kimi əziyyətə salmazdı. O vaxtlar da indiki kimi idi: toy, doğum günü olanda hədiyyə olmalı idi və ya toya pul salmalıydın. Bu səbəbdən Mahir də heç kimi xərcə salmaq istəmirdi, mərasimlər sadəcə keçirilirdi.


Qələm dostumuz indi də doğum gününü çox güman ki, ancaq ailəsi – həyat yoldaşı Sevinc xanımla, iki qızı, kürəkənləri, beş nəvəsi ilə birgə keçirəcək. 4 dekabr 52 yaşlı qələm sahibinin nə yubileyidir, nə də özünün təntənəli şəkildə doğum günü keçirməyə meyli . 


Amma biz özümüzə borc bilirdik ki, hər ildönümündə heç olmazsa adicə bir yazı ilə onu təbrik edək, sevindirək. Özü də kim qabağa düşsəydi – yəni yazını tez yazıb dərc elətdirsəydi  o qazanardı. Bu istəklə mən də irəli düşmək istədim, dekabrın 4-nü gözləmədim, ürəyimdən keçənləri ağ vərəqlərə köçürüb təbrikimi yekunlaşdırdım.



Jurnalist dostumla uzun müddət həm bir yerdə AzTV-də işləmişik,  həm də ailəvi yaxınlığımız olub. Sonra tale elə gətirdi ki, yollarımız ayrıldı. O məndən əvvəl getdi AzTV-dən, bir neçə yerdən iş təklifi aldı, müxtəlif mətbu orqanlarda işlədi, hətta ən nüfuzlu “Xalq qəzeti”ndə şöbə müdiri, “10 may.az” saytının təsisçisi və baş redaktoru oldu. Burada da qərar tuta bilmədi, sərbəst yaradıcılıqla məşğul olmağa başladı. Təxminən 8 illik mahir qələm ustası kimi fəaliyyəti onun nələrə qadir olduğunu üzə çıxardı. Atasının adına layiq cəfakeş bir övlad kimi özünü göstərdi.


AzTV-də işləyəndə onun xəbər jurnalisti kimi bacarığına heyran qalmışdım. İşində səhvə yol verməzdi, iqtisadi və siyasi biliyinə söz yoxuydu; tapşırığı operativ yerinə yetirərdi. Fenomen yaddaşa malik idi. Son dərəcə qayğıkeş ata idi. Təvazökar idi. Mən heç vaxt hiss etməmişdim, amma bəziləri deyirdilər ki, “Mahir ərköyündür”. Niyə də olmasın? O cür şan-şöhrətli insanın oğlu niyə ərköyün olmasın?



Bunlar bir tərəfə. Sən demə, Mahir İmamverdiyev fitri istedada, əsl ədib bacarığına malik imiş. Desəydilər ki, Mahir rus dilindən şeirlər tərcümə edib kitab şəklində buraxdıracaq (“Poeziya”) inanmazdım. Şair Qabil İmamverdiyevin oğlu indi “Mahir  Qabiloğlu”  ad-soyadını daşıyır. Sərbəst yaradıcılığa başladığı səkkiz ildə 10-dək samballı kitab nəşr etdirib, yüzlərlə ədəbi, elmi məqalənin, bir neçə monoqrafiyanın, saysız-hesabsız oçerkin müəllifi olub. Sovet dövründə oçerk yazmaq  qabiliyyəti hər qələm sahibinə nəsib olmurdu. Dünyasını dəyişmiş Rəfael Nağıyev, Yusif Kərimov, daha bir neçə barmaqla sayılan yazar bu mətbu janrında yaradıcılığı ilə tanınırdı. Mahir Qabiloğlunun isə son vaxtlar yazdığı bir neçə kitabı özünəməxsus üslubda qələmə alınmış oçerklər məcmuəsidir. Sıravi adamlardan, jurnalistlərdən tutmuş adlı-sanlı şair və yazıçılardan, nazirlərdən, generallardan,  dünya şöhrətli müğənnilərdən, aktyorlardan bəhs edən oçerklər qələm dostumuzun nəyə qabil olduğunu parlaq əks etdirir.


Onun ilk kitabları şair Qabil haqqındadır. Mahir atasının arxivini üzə çıxararaq onun yaradıcılığını daha da tanıtdırır. Məlum faktdır ki, hansı sənətkarın fərli övladı varsa o valideynlərinin yazılmamış dahiliyini üzə çıxarır. Bu ailədə də yaradıcılıq axtarışları yeganə övlad Mahirin çiyninə düşüb. Hər gördüyü iş uğurla alınır.


Bir daha deyirəm, mən Mahiri belə bilməzdim. Hər işi bəyənməyən, oğlunu heç vaxt tərifləməyən Qabil yaşasaydı, bu gün “Əhsən, Mahir!” deyərdi. Mahir çox şeyə nail oldu.  Təkcə “Əlimdə-ovcumda SƏN yoxsan ancaq” nisgili onu sıxır. Nə etməli, həyatın qanunudur, uca tanrının işidir.



Birgə işlədiyimiz illərdə qələm dostları ona zarafatla deyərdilər: “Necə şıx görünürsən, Mahir!”. Mahir səliqəli geyinərdi: saçının rənginə uyğun qalstuk taxardı, hər gün ütülənən şalvar, par-par parlayan ayaqqabısı onun yerişinə-duruşuna xüsusi diqqət cəlb edərdi. “Mahir, sən lap nazirə, icra başçısına, böyük vəzifə sahibinə oxşayırsan” deyərdilər ona. O isə “Boş-boş danışmayın, sizə qalmayıb. Təyinat, belə vəzifələr prezidentin səlahiyyətindədir, onun sərəncamları ilə baş tutur” söyləyərdi. Rəhmətlik Qabilin də içində belə arzular yaşayırdı.   
Təbii ki, bunlar səmimi qəlbdən gələn istək, arzular idi. Sağlıq olsun, kim bilir sabah nə olacaq...


Dostları “Bəxtəvər Mahir! Atası onun üstündə tir-tir əsir” deyərdilər. İndi isə Mahir atası üçün tir-tir əsir, onu yaşatmaq, elə hey yaşatmaq istəyir...


Bir xatirə də yadıma düşür: o vaxtlar Mahirə sataşanda deyərdik ki, “sən neyləsən Qabil olmayacaqsan!”. “Mən buna heç cəhd də etmək istəmirəm” – cavabını verərdi. Amma həyat göstərdi ki, etibarlı oğul atasının yolu ilə gedir, əsl qələm əhlidir. Azərbaycan Yazışılar və Jurnalistlər birliklərinin üzvüdür. Uğurların çox olsun Mahir, türklər demiş, yolun açıq olsun! Yaradıcılığında dönə-dönə səsləndirdiyin bir cümləni sənin özünə ünvanlayıram: “ ... Filan, filan yaşın mübarək, Mahir!”(“əlli iki” deməyə dilim gəlmədi, doxsanı, yüzü gözləyirəm).


P.S. Mən bu yazını Mahir Qabiloğlunun uzun illər əməkdaşlıq etdiyi, yüzlərlə məqaləsini çap olunduğu, ona dərin rəğbət bəslədiyi Modern.az saytına verirəm. Məsləhət bilsələr ...
Yenə də Mahirin tez-tez işlətdiyi söz: SON.

MÜƏLLİFİN DİGƏR YAZILARI
Almaniyanın ilk kansleri kim olacaq? 24 Sentyabr 2021, 12:27 Prezident şəxsi xüsusiyyətlərindən danışdı: “Prinsipcə, sakit insanam” 24 Sentyabr 2021, 12:10 ADU-da Ülvi Bünyadzadənin anım mərasimi keçirildi - FOTOLAR 24 Sentyabr 2021, 12:05 İlham Əliyev İraqın neft nazirini qəbul edib 24 Sentyabr 2021, 12:00 “Ermənistan Azərbaycana qarşı ərazi iddiaları irəli sürməyə davam edərsə...” – Prezident 24 Sentyabr 2021, 11:56 Prezident müharibədə XTQ-nin rolundan DANIŞDI 24 Sentyabr 2021, 11:52 Yuxarı Qarabağ kanalında bir nəfər batıb 24 Sentyabr 2021, 11:48 Horadiz-Cəbrayıl-Zəngilan-Ağbənd yolunun tikintisindən FOTOLAR 24 Sentyabr 2021, 11:44 Bu tarixədək Azərbaycan internetlə tam təmin olunacaq 24 Sentyabr 2021, 11:38 MRT və KT müayinələri üçün əks göstərişlər AÇIQLANDI 24 Sentyabr 2021, 11:35 Sentyabrda temperatur normadan yüksək olub 24 Sentyabr 2021, 11:34 Nazir azad edilmiş ərazilərdə kənd təsərrüfatının potensialından DANIŞDI 24 Sentyabr 2021, 11:30 Ağsaqqallar Şurasından Tahir Süleymanova ad günü təbriki 24 Sentyabr 2021, 11:30 Borcunu qaytarmaq istəməyən soydaşımızdan qandonduran QƏTL 24 Sentyabr 2021, 11:26 Milli Məclisdə narkomaniya ilə bağlı dinləmə keçiriləcək 24 Sentyabr 2021, 11:25 İxtisaslı işçilərin sayı çox azdır - Nazir 24 Sentyabr 2021, 11:22 Səyyad Əlizadənin son DURUMU 24 Sentyabr 2021, 11:19 Eldar Həsənov yenidən məhkəmə qarşısında 24 Sentyabr 2021, 11:16 Eks-deputatın oğlu küçənin ortasında güllələndi 24 Sentyabr 2021, 11:11 Ekspertdən fərqli baxış: Pandemiya cinayətləri azaldır - DİN reaksiya verdi 24 Sentyabr 2021, 11:10 NATO-nun yeni hədəfi Çindir 24 Sentyabr 2021, 11:05 Yaşayış yerini tərk etmiş koronavirus xəstəsi olan tibb işçisi saxlanıldı 24 Sentyabr 2021, 11:00 Şəhidlərin məzarı ziyarət olunub 24 Sentyabr 2021, 10:56 Ağdamın Ətyeməzli kəndi - VİDEO 24 Sentyabr 2021, 10:55 Avqustda pensiya alanların SAYI 24 Sentyabr 2021, 10:50 Azərbaycanda bu institutun adı dəyişdirildi 24 Sentyabr 2021, 10:46 Ceyhun Bayramov xarici işlər nazirlərinin illik toplantısında çıxış etdi  24 Sentyabr 2021, 10:40 “Dəmir yumruqla yazılan Zəfər Səlnaməsi” 24 Sentyabr 2021, 10:35 Ermənistan məğlubiyyətin günahkarlarını axtarır - Arayik və Cəlal Arutunyanlar həbs oluna bilər 24 Sentyabr 2021, 10:32 Karantin qaydalarını pozan toy təşkilatçısı cərimələndi 24 Sentyabr 2021, 10:30 Azərbaycan neftinin qiyməti 78 dolları ötdü 24 Sentyabr 2021, 10:26 Təhsil müəssisələrində Anım Günü qeyd olunacaq 24 Sentyabr 2021, 10:22 Salyanda narkotik alverçiləri ələ keçdi 24 Sentyabr 2021, 10:16 Rusiya və Fransa XİN başçıları Qarabağı müzakirə etdi 24 Sentyabr 2021, 10:10 Bu il minlərlə tələbənin təhsil xərcini dövlət ödəyəcək 24 Sentyabr 2021, 10:05
SORĞU Hansı vaksinə etibar edirsiniz?