11 Aprel 2020, 12:33 | Ana Səhifə - Yazılar - 5G koronavirus yayır?..
5G koronavirus yayır?..

Elçin Alıoğlu


COVİD-19 koronavirusunun yaranması, yayılması, yoluxmalar və s. barədə həddən ziyadə qəribə və əcaib təxminlər, gümanlar yayılır.

Onların hamısını şərh və ya təkzib etmək niyyətim yox.

Son iddialardan biri 5G mobil rabitə şəbəkəsi ilə bağlıdır.

Sosial şəbəkələrdə dolaşan şayiələr artıq real itkilərə səbəb olub.

İddiaya görə, 5G-nin COVİD-19 koronavirus pandemiyası ilə bağlı olduğu deyilir.

Sən demə, bu şəbəkə koronavirusu yaradıb və indi də yayır.
İş o yerə çatıb ki, Britaniyada 5G şəbəkəsinin rabitə qüllələrini yandırırlar.

İddianın kökündə nə durur?

"5G şəbəkəsi daha yüksək tezlikli olduğundan onun şüalanması insanın immun sisteminə təsir edir, zəiflədir və insanlar xəstəliklərə daha tez yoluxurlar".

İddia ilk dəfə yanvarın 27-də Facebook-da peyda olub. Bildirilirdi ki, COVİD-19 koronavirus pandemiyasının başlandığı Uhan şəhərində 5G test olunurmuş.

Koronavirusun sürətlə yayılması da elə bu testlərlə bağlı imiş guya.

Bu komplo nəzəriyyəsinin 17 (!) müxtəlif versiyası olsa da, onların arasında ən populyarları belədir: 5G rabitəsi insan orqanizmində immuniteti aşağı salır və bu minvalla koronavirus infeksiyasına yoluxmanı sürətləndirir:

5G koronavirus infeksiyasını yayır: koronavirus əslində 5G-nin insan orqanizminə vurduğu ziyanı ört-basdır etmək üçün uydurmadır.

Sosial şəbəkələrlə bahəm, messencerlərdə bu absurd iddia yayılmaqdadır.

Amerikalı aktyor Vudi Harrelson belə İnstagram profilində yazıb: "Dostlarımın çoxu 5G-nin neqativ effektlərindən bəhs edirlər. Tam inanmasam da, mənə maraqlı gəlir".

Britaniyanın Birmingem, Liverpul, İrlandiyanın Belfast şəhərlərində isə aprelin əvvəllərində mobil rabitə qüllələri yandırılıb. Halbuki onların hamısı 5G paylamırdı.

Bu iddia niyə absurddur?

Əvvəla, 5G ("Fifth Generation”, yəni "Beşinci nəsil) mobil rabitənin 5-ci nəsli olaraq mövcud 4G/IMT-Advanced standartlarından üst standartlar əsasında fəaliyyət göstərən yeni telekommunikasiya standartıdır.

Bu standart daha sürətli genişzolaqlı interneti, abonentlər arasında birbaşa əlaqəni (device-to-device), qurğular arasında daha genişmiqyasıl kommunikasiyanı, 10-20 Qb/saniyə sürətli interneti, 4G ilə müqayisədə avadanlığın və qurğuların daha az enerji sərfini təmin edir.

5G ilk dəfə Uhanda sınanmayıb. Çində eyni vaxtğda 7(!) şəhərdə bu standart test olunub.

5G koronavirus yayırdısa, onda nəinki 5G, heç 4G-nin olmadığı Eritreyada, Tacikistanda, Butanda, Svazilenddə, Papua-Yeni Qvineyada, Toqoda, Tuvaluda və daha neçə-neçə ölkələrdə, lap elə qonşu İranda koronavirus niyə yayıldı?

Azərbaycanda 5G yoxdur, amma koronavirus var.

Bəs yaxşı, 5G insan sağlamlığına mənfi təsir edirmi?

Yox və yenə də yox.

Doğrudur, elektromaqnit dalğaları yüksək tezlikli elektromaqnit şüalanması yaradır və hesab edirlər ki, bu, xərçəng riskini artırır.

Lakin 5G kimi aşağı tezliklər ionlaşdırmayan şüalanma formasını yayır ki, o da heç bir halda (!) hüceyrələrə sirayət edərək onları zədələyə bilməz.

5G tezlikləri 4G ilə müqayisədə daha yüksək ola bilər, amma onlar insan orqanizminə mənfi təsir edə biləcək həddən xeyli aşağıdadır.

Bu standartı paylayan qüllələr və antenlər Massive MIMO sistemlidir ki, sözügedən sistem də dəfələrlə test olunub və indiyədək onun orqanizmə hər hansı formada mənvi təsiri aşkarlanmayıb.

Hazırda 5G-nin koronavirusla bağlı olması barədə absurdu tirajlayan əsas mənbə ABŞ-dakı "QAnon" konspiroloji qrupudur.

Bu o qrupdur ki, iddia edir - "ABŞ prezidenti Donald Tramp azyaşlıları cinsi istismara məruz qoyan nəhəng beynəlxalq şəbəkəni ifşa etməyə hazırlaşır": "Həmin şəbəkəyə isə ABŞ Demokrat Partiyasının liderləri, İblisə sitayiş edən adamlar və ABŞ şou-biznesinin bir çox ulduzları rəhbərlik edirlər".

"QAnon" hələ də "r/conspiracy" vasitəsilə "5G-nin koronavirus yaratması" barədə şayiələri paylaşır.

Və ən nəhayət...

5G şəbəkəsini paylaşan stansiya, yaxud qüllə daha yüksək tezlikdə, daha böyük intensivlikdə işləməyə başlayarsa, ətrafındakı nisbətən zəif 4G və 3G stansiyalar sıradan çıxacaq.

Amma nə "sirri-xuda"dırsa, "5G koronavirusun yayılmasında bilavasitə səbəbdir" tipli açıqlamalar paylaşan amerikalılar, britaniyalılar, fransızlar bunu məhz 3G və 4G standartlı rabitə ilə edirlər.

Halbuki o adamların yaşadıqları ərazilərdə 5G stansiyaları var və rabitə də işləyir.

5G 5-ci nəsil mobil rabitədir, COVİD-19 isə koronaviruslar sinfinə aid olan virusun törətdiyi kəskin respirator xəstəlikdir.

İmmunitetin zəifləməsinə gəldikdə isə, biologiya, virusologiya, infeksionizm və mikrobiologiya baxımından "5G-nin mənfi təsiri" tam əsassız iddiadır.

Çünki insan immunitetini normal yatmamaq, xroniki yorğunluq, qeyri-sağlam qidalanma kimi ən müxtəlif nəsnələr zəiflədə bilər - mobil rabitə qüllələrinin ionlaşdırmayan, zəif şüalanması yox.

Diqqətinizə görə təşəkkür edirəm.

 
MÜƏLLİFİN DİGƏR YAZILARI
“Fransa tarixinin növbəti ən utancverici günlərini yaşayır” - Ceyhun Məmmədov 26 Noyabr 2020, 13:10 Sabah hava necə olacaq? - PROQNOZ 26 Noyabr 2020, 13:05 Elşad Hacıyevə nazirlikdə yüksək vəzifə verildi - TƏYİNAT 26 Noyabr 2020, 13:03 Bu il yeni doğulan uşaqlara ən çox verilən ADLAR 26 Noyabr 2020, 13:00 Polietilen torba və plastik qablar satanlar CƏRİMƏLƏNƏCƏK 26 Noyabr 2020, 12:57 “Vətən Müharibəsi Qəhrəmanı” adı TƏSİS OLUNDU 26 Noyabr 2020, 12:53 Azərbaycan turizm blogerləri Assosiasıyası yaradıldı 26 Noyabr 2020, 12:51 “Zəfər” və “Qarabağ” ordenləri TƏSİS EDİLDİ 26 Noyabr 2020, 12:50 Azərbaycandakı pambıq yığımında növbəti rekord göstərici 26 Noyabr 2020, 12:48 Qələbə medalları ilə bağlı qanun layihəsi qəbul olundu 26 Noyabr 2020, 12:45 Milli Məclisdən Fransa ilə bağlı Azərbaycan hökumətinə ÇAĞIRIŞ 26 Noyabr 2020, 12:40 İdman yazarı: “Narkotikdən asılılıq Maradonanı aramızdan apardı” 26 Noyabr 2020, 12:35 Zahid Oruc: Fransa Senatı ikinci Azərbaycan dövləti təsis etmək istəyir..   26 Noyabr 2020, 12:30 Milli Məclisdə Fransaya etiraz bəyanatı qəbul olundu 26 Noyabr 2020, 12:25 “Fransa Senatı Azərbaycan xalqından üzr istəməlidir”  26 Noyabr 2020, 12:20 Deputat Baş nazirdən xahiş etdi - “Prezident qarşısında məsələ qaldırın” 26 Noyabr 2020, 12:15 Aqil Abbas: Fransa Türkiyənin qələbələrini həzm edə bilmir 26 Noyabr 2020, 12:10 Fəzail Ağamalı: “Fransa ilə iqtisadi əlaqələrə yenidən baxılmalıdır” 26 Noyabr 2020, 12:06 Tələbələrin NƏZƏRİNƏ! 26 Noyabr 2020, 12:04 “Fransa Senatının qətnaməsi bütün beynəlxalq sənədlərə ziddir” - Deputat 26 Noyabr 2020, 12:02 Fransa səfirliyi qarşısında etiraz aksiyası keçirilib - FOTOLAR 26 Noyabr 2020, 12:00 Ərdoğanın keçirdiyi videokonfransa Mikayıl Cabbarov da qatıldı - FOTO 26 Noyabr 2020, 11:55 Number One... - Maradona 26 Noyabr 2020, 11:50 Vitse-spiker: Fransa senatının üzvləri Əlcazairdə soyqırımı törədən qatillərin nəvələridir 26 Noyabr 2020, 11:45 Səfirdən Fransa Senatının Qarabağla bağlı qərarına REAKSİYA 26 Noyabr 2020, 11:43 Kəlbəcərin səhiyyə statistikası açıqlanıb 26 Noyabr 2020, 11:37 Türkiyə XİN-i Fransaya ETİRAZ etdi 26 Noyabr 2020, 11:37 Etirazçılar Ermənistan parlamentin qarşısına toplaşdılar 26 Noyabr 2020, 11:33 Paşinyan xalqdan 2021-ci ilə qədər VAXT İSTƏDİ 26 Noyabr 2020, 11:30 Milli Məclisdə Fransaya görə komissiya YARADILIR 26 Noyabr 2020, 11:27 Azay Quliyev: Parisdəki səfirimiz geri çağrılmalıdır! 26 Noyabr 2020, 11:23 Sahibə Qafarovadan Fransa Senatına ETİRAZ 26 Noyabr 2020, 11:18 Əfv, yoxsa amnistiya... - Komissiya üzvündən AÇIQLAMA 26 Noyabr 2020, 11:15 İdman zalında satışı qadağan olunan dərmanlar aşkarlandı 26 Noyabr 2020, 11:10 Laçın azad olunacaq - Spikerdən AÇIQLAMA 26 Noyabr 2020, 11:05
SORĞU Cəbhə xəbərlərini hansı mənbədən alırsınız?