13 Yanvar 2021, 01:06 | Ana Səhifə - Yazılar - Qarabağdakı rusiyalı sülhməramlılarla bağlı nigaranlıq
Qarabağdakı rusiyalı sülhməramlılarla bağlı nigaranlıq

Elçin Alıoğlu

İfrat nikbinliyi bihudə bədbinliyin aversi hesab edirəm və bu səbəbdən heç zaman nə nikbin olmuşam, nə də pessimist.

Qarabağda rusiyalı sülhməramlılarla bağlı nigaranlıq çoxdur. Hətta mənə dostlar yazır ki, "biz yazanda xalq düşməni olmuşduq, indi biz deyəni deyirsiniz".

Elə deyil.

Savaşın ilk günlərindən yox, hadisələrin şahidi və hətta iştirakçısı kimi yox, savaşın olacağını və qaçılmazlığını, labüdlüyünü çox əvvəl bilən kimi yazıram.

Tam məsuliyyətimlə: Qarabağ bütünlüklə Azərbaycanda olacaq.

Tam, büsbütün.

Fəqət ki, tələsmək olmaz. 28 illik yox, 228 illik bir problemi dərhal, tez, "Xankəndidə bayrağımız nə oldu?!" emosionallığı ilə çözmək olmaz.

Qarabağ problemində qarşımızda duran Ermənistan, kölgə aktoru Rusiya deyil sadəcə.
Siyasət çox qəliz nəsnə olmaqla bahəm, əksər hallarda aldadıcı gedişlər və kuluar təsirlərlə zəngindir.
Bir misal çəkim - yaxından bələd olduğum hadisədən.

Liviyanın paytaxtı Tripolidə hərbi məktəb vurulmuşdu. Axşam saatlarında onlarla kursant həlak olmuşdu.
Xəlifə Xaftar dərhal bəyan etdi ki, biz vurmamışıq.

İnanmadılar, amma o qoca "feldmarşal" yaramaz düz deyirdi.

Paradoksal olsa da, elə idi.

Çünki kursantlar Çin istehsalı olan raketlə vurulmuşdu.

Raket də Çin istehsalı olan PUA-dan buraxılmışdı.

Birləşmiş Ərəb Əmirlikləri o PUA-ları alıb Xaftarın qoşunlarına vermişdi və hərbi məktəbə hücum əmrini də Misir generalları vermişdilər.

PUA Liviyanın şimalındakı Əl Xadim aerodromundan qalxsa da, "tapşırıq" yerinə yetiriləndən sonra Misirdəki Sidi Baran aerodromunda yerə enmişdi.

Qarabağ məsələsini də qəlizləşdirmək, mümkünsüz etmək istəyən ölkələr, güclər var.
Bunu unutmayaq.

Rusiyalı sülhməramlılara inama, etibara əsla ehtiyac yox. Tam əksinə, onlar daim nəzarətimizdə olmalıdır, daim müşahidə altında qalmalıdır.

Rusiyanın məqsədinin Qarabağda hərbi baza yaratmaq olduğu bəlli və buna da imkan verilməyəcək. "Kollektiv Qərb" dediyimiz geosiyasi konqlomeratla bahəm, Türkiyə, Çin və İran da Moskvanın bəhs etdiyim arzusunun reallaşmasına imkan verməyəcəklər.

Nəqliyyat və kommunikasiyalar məsələsinə gəldikdə isə bu, Ermənistanın yeni məğlubiyyətidir.
Çünki daha 16 kənd delimitasiya və demarkasiya prosesində tam, yaxud qismən işğal edilmiş ərazi sayılacaq.
O kəndlərdə bayrağımız səma ilə qucaqlaşacaq.

Doğma səmamızla.

... Gəncdim, komandirimə inanırdım və indi anlayıram ki, ona inamda əsla səhv etməmişəm: çünki Vətən ona inandı və torpağına da qəbul etdi.

Komandirim deyərdi: "Əsgərin ən böyük silahı inamıdır. İnamın düşmən əlinə keçməsinə imkan verməyin, bax, onda məğlub olacaqsınız".

Təxminən 30 il keçib.

Nə qədər haqlı imiş o mərd, şərəfli insan.

Özümüzə, Vətənimizə, keçmişimizə və gələcəyimizə inanaq.

Kimsə bizi məğlub edə bilməz belədə.

Vətən yaxşıdır... 
MÜƏLLİFİN DİGƏR YAZILARI
Dövlət Komitəsində BMqT nümayəndəsi ilə görüş keçirilib 22 Yanvar 2021, 16:45 Azərbaycanlı rəssamın ABŞ-da açılan ikinci fərdi sərgisi maraqla qarşılandı 22 Yanvar 2021, 16:40 Ermənistanda daha bir deputat Paşinyanın fraksiyasından istefa verdi 22 Yanvar 2021, 16:35 Dünyanın sabiq liderləri nə ilə məşğuldur? – Biznes, rəssamlıq, müalicə... - FOTOLAR                                     22 Yanvar 2021, 16:30 Naftalanda ŞİH-nin və DTA-nin layihələri həyata keçirilir 22 Yanvar 2021, 16:27 Zidan koronavirusa YOLUXDU 22 Yanvar 2021, 16:22 Zakir Həsənov Britaniyanın Azərbaycandakı səfiri ilə görüşdü 22 Yanvar 2021, 16:16 Həmkarlar Konfederasiyasından “Qarabağ Dirçəliş Fondu”na 100 min manat ianə 22 Yanvar 2021, 16:10 ABŞ-ın ermənipərəst konqresmenləri niyə fəallaşıblar? - ŞƏRH 22 Yanvar 2021, 16:04 Bakıda 6 evdən oğurluq edən şəxs saxlanıldı 22 Yanvar 2021, 16:00 Çingiz Qənizadə: “Leyla Yunus yenə də öz ampluasındadır” 22 Yanvar 2021, 15:55 Azərbaycan Prezidenti status məsələsini tarixin zibilliyinə yollayıb - XİN-dən Avropa Parlamentinə sərt CAVAB 22 Yanvar 2021, 15:50 “YAŞAT” Fonduna toplanan vəsaitin məbləği AÇIQLANDI 22 Yanvar 2021, 15:44 Metronun “8 Noyabr” stansiyasına rəis müavini də təyin edildi 22 Yanvar 2021, 15:38 Oğul şəhid oldu, atasının ürəyi dözmədi 22 Yanvar 2021, 15:32 Parlamentin komitəsinin yaz sessiyası üçün iş planı təsdiqləndi 22 Yanvar 2021, 15:27 Sənədlərin notarial təsdiqinə görə rüsum 3 dəfə azaldılır 22 Yanvar 2021, 15:22 Qaz sayğaclarından narazı olan abonentlərin NƏZƏRİNƏ 22 Yanvar 2021, 15:17 Rəsmi Yerevan Azərbaycan-Türkiyə təlimlərinə ETİRAZ ETDİ 22 Yanvar 2021, 15:11 Nazirdən Xudavəng monastırı ilə bağlı AÇIQLAMA 22 Yanvar 2021, 15:06 Birdəfəlik əkin subsidiyası üçün müraciətlərin qəbuluna başlanılır 22 Yanvar 2021, 15:00 Akif Nağı ömürlük məhbuslara ƏFV İSTƏDİ 22 Yanvar 2021, 14:57 Şahbaz Quliyevin anası vəfat etdi 22 Yanvar 2021, 14:52 Ailə, qadın və uşaq məsələləri komitəsinbin iclası keçiriləcək 22 Yanvar 2021, 14:46 Darıxmağın ləzzəti 22 Yanvar 2021, 14:41 Valideynlər bu halda övladlarını məktəbə göndərməyə bilər 22 Yanvar 2021, 14:40 Şuşa döyüşlərində şəhid olan çavuş 22 Yanvar 2021, 14:34 Distant təhsil, zamanı itirməyək 22 Yanvar 2021, 14:28 Bu yolda hərəkət məhdudlaşdırılır 22 Yanvar 2021, 14:22 Yük avtomobilindən 38 ədəd “Iphone 12” götürüldü - VİDEO 22 Yanvar 2021, 14:16 Narazı şagirdlərin yenidən qiymətləndirilməsi keçiriləcək - Şöbə müdiri 22 Yanvar 2021, 14:10 Xüsusi təhsil müəssisələrinin fəaliyyəti bərpa oluna bilər 22 Yanvar 2021, 14:05 Azərbaycanda yeni agentlik yaradıldı - FƏRMAN 22 Yanvar 2021, 14:00 Niyazi Bayramov şəhid və qazi ailələrinin problemləri ilə maraqlanıb 22 Yanvar 2021, 13:57 Co Bayden qazaxıstanlı xanıma vəzifə verdi - FOTO 22 Yanvar 2021, 13:53