Qazaxıstanın Jambıl vilayətindəki silah-sursat anbarında növbəti dəfə partlayış olub.
Modern.az xəbər verir ki, bu barədə ölkənin Müdafiə Nazirliyinin mətbuat xidməti məlumat yayıb.
Qeyd edilir ki, hadisə yerli vaxtla saat 7:20-də baş verib.
“Hadisə zamanı ərazidə heç kim olmayıb. Bina və tikililərə ziyan dəyməyib. Bölgədə vəziyyət sabitdir”, - nazirliyin mətbuat xidməti bildirib.
Xatırladaq ki, bir müddət əvvəl eyni vilayətdə yerləşən hərbi hissədə anbarlardan birinin yaxınlığında yanğın, partlayışlar baş vermişdi.
