Rusiya ilə Ukrayna arasında danışıqların növbəti raundu Türkiyədə baş tutacaq.
Modern.az xəbər verir ki, bu barədə danışıqlarda Ukraynanı təmsil edən David Araximiya özünün "Facebook" hesabında məlumat yayıb.
O bildirib ki, 3 günlük danışıqlar raundunun Türkiyədə keçirilməsi barədə razılığa gəliblər. Müzakirələr martın 28-30-da keçiriləcək.
Görüş barədə məlumatlar daha sonra açıqlanacaq.
Qeyd edək ki, bundan əvvəl Rusiya-Ukrayna danışıqları Belarus ərazisində təşkil olunub.
