ABŞ sanksiyalarından yayınaraq Rusiyaya aviasiya texnologiyaları ötürməkdə şübhəli bilinən iki amerikalı saxlanılıb.
Modern.az xəbər verir ki, bu barədə ABŞ-ın Ticarət Departamentinin sözçüsü Metyu Akselrod bildirib.
O, həbs edilən şəxslərin adlarını açıqlamayıb. Şübhəlilər Kanzas ştatında saxlanılıb.
Məlumata görə, sanksiyaları pozanlara qarşı əməliyyatda Ədliyyə Departamenti və FTB də iştirak edib.
Qeyd edək ki, ABŞ öz vətəndaşlarına ikili istifadə edilə bilən texnologiyaların Rusiyaya ixracına qadağa qoyub.
