İsraildə itkin düşmüş hesab edilən 7 ukraynalı tapılıb.
Modern.az "Unian"a istinadən xəbər verir ki, bu barədə Ukrayna Xarici İşlər Nazirliyi məlumat yayıb.
Nazirliyin sözçüsü Oleq Nikolenko telemarafonda bildirib ki, hazırda ukraynalılar təhlükəsizdirlər. Bundan əlavə, səfirliyin əməkdaşları 6 ailəyə İsraildə müvəqqəti yaşayış yeri tapmağa kömək ediblər. Nikolenkonun sözlərinə görə, 300-ə yaxın Ukrayna vətəndaşı ölkəni tərk edə bilmədikləri üçün operativ qərargahla əlaqə saxlayıb.
"Bizim 300-ə yaxın vətəndaşımız var. İsrail ərazisindədirlər. Həmçinin Qəzza zolağında anklavı tərk etmək istəklərini bildirən 150 ukraynalı var", - deyə o bildirib.
Xarici İşlər Nazirliyinin sözçüsü vurğulayıb ki, hazırda səfirlik ukraynalıların təxliyə marşrutlarının təşkili üzərində işləyir.
