Fransa Ermənistana üç GM200 radiolokasiya sistemləri verəcək.
Modern.az xəbər verir ki, bu barədə "Reuters" agentliyi məlumat yayıb.
İrəvan və Paris, həmçinin Fransanın “Mistral” qısamənzilli hava hücumundan müdafiə sistemlərinin gələcək tədarükü ilə bağlı anlaşma memorandumu imzalayıblar.
Bildirilib ki, Fransa eyni zamanda Ermənistana quru müdafiə qüvvələrinin hazırlanmasında kömək edəcək, ölkənin ordusunda islahatlar və modernləşdirmə səylərini dəstəkləyəcək.
Qeyd edək ki, hərbi sazişi Ermənistanın müdafiə naziri Suren Papikyan və onun fransalı həmkarı Sebastian Lekornu imzalayıb.
