Peru hökuməti Ekvadorla sərhəddə fövqəladə vəziyyət elan edib.
Modern.az xəbər verir ki, bu barədə Perunun baş naziri Alberto Otarola "X" sosial şəbəkəsindəki səhifəsində məlumat verib.
"Peru polisi qonşu ölkə ilə sərhəd bölgəsində təhlükəsizlik tədbirlərini gücləndirir", - deyə Otarola qeyd edib.
O, Perunun bütün şimal sərhədində fövqəladə vəziyyətin elan ediləcəyini vurğulayıb.
Bir gün əvvəl Ekvadorda daxili silahlı qarşıdurma rejimi elan edilib. Bu barədə dövlət başçısı Daniel Noboa bildirib.
