Çinin şimal-qərbindəki Sincan-Uyğur muxtar rayonunda baş verən zəlzələ nəticəsində 3 nəfər ölüb, 5 nəfər yaralanıb.
Modern.az xəbər verir ki, bu barədə Çin Mərkəzi Televiziyası məlumat yayıb.
Bildirilib ki, təbii fəlakətin baş verdiyi ərazidən 12 mindən çox insan təxliyə edilib. Yeraltı təkanlar nəticəsində 50-yə yaxın ev dağılıb, daha 78 binaya ziyan dəyib.
Xatırladaq ki, Çinin Sincan-Uyğur muxtar rayonunun Aksu rayonunda 7,1 maqnitudalı zəlzələ olub. Zəlzələnin ocağı 22 kilometr dərinlikdə yerləşib. Bunun ardınca bölgədə 5,3 maqnitudalı afterşoklar baş verib.
