Rusiyanın Ermənistandakı səfiri Sergey Kopırkin Baş nazir Nikol Paşinyanın 9 May Qələbə Günü münasibətilə Moskvaya dəvət olunub-olunmaması ilə bağlı sualı cavablandırıb.
Modern.az xəbər verir ki, Kopırkin jurnalistlərin suallarına cavab olaraq bildirib: "Bildiyim qədəri ilə bütün qardaş ölkələrin liderləri dəvət olunub".
Paşinyandan dəvəti qəbul edib-etmədiyi soruşulduqda, o bu barədə heç bir məlumatının olmadığını bildirib.
Rusiya 9 may Qələbə Günü paradı çərçivəsində Moskvada Qırmızı Meydanda parad keçirməyə hazırlaşır. Paradın hava hissəsi də Su-25 qırıcı təyyarələrinin iştirakı ilə keçiriləcək. Lakin mövcud əməliyyat şəraitinə görə Suvorov, Naximov və kadet korpuslarının tələbələri, eləcə də hərbi nəqliyyat vasitələrinin karvanı hərbi paradda iştirak etməyəcəklər.
Kremlin sözçüsü Dmitri Peskov 29 apreldə Kiyevdə artan terrorçuluq fəaliyyəti səbəbindən 9 may Qələbə Günü paradının avadanlıqsız keçiriləcəyini açıqlayıb. O əlavə edib ki, builki Qələbə Gününün ildönümü xatirə günü deyil, ona görə də parad kiçildilmiş formatda keçiriləcək.
