ABŞ Prezidenti Donald Tramp İranın raket arsenalının böyük hissəsinin məhv edildiyini iddia edib.
Modern.az xəbər verir ki, Tramp İranla aparılan danışıqlardan danışarkən bildirib ki, Tehranın əvvəlki raket potensialının təxminən 18-19 faizi qalıb.
“Biz onlarla yaxşı danışdıq, amma ertəsi gün sanki əvvəlki söhbəti unutdular. Onlar qürurludurlar”, - deyə o qeyd edib.
Tramp vurğulayıb ki, İranın nüvə silahına sahib olmasına icazə verilməyəcək və Tehran da bununla razılaşıb.
“Roma Papasını sevindirib-sevindirməməyimdən asılı olmayaraq, İranın nüvə silahı olmamalıdır”, - deyə ABŞ Prezidenti əlavə edib.
O, həmçinin bildirib ki, İranla razılaşma əldə olunacaq, lakin bu proses üçün konkret son tarix müəyyən edilməyəcək.
