Fransa Afrika ölkələrinə 14 milyard avro həcmində dövlət və özəl investisiya ayıracaq.
Modern.az xəbər verir ki, bu barədə Fransa Prezidenti Emmanuel Makron Nayrobidə keçirilən “Africa Forward” sammiti çərçivəsində keçirilən biznes forumundan sonra bildirib.
Makronun sözlərinə görə, sammit zamanı Afrika qitəsi üçün ümumilikdə 23 milyard avroluq investisiya elan olunub və bunun 14 milyard avrosu Fransa şirkətlərinin payına düşür.
Prezident qeyd edib ki, vəsait həm Keniyaya, həm də digər Afrika ölkələrinə yönəldiləcək və nəticədə Fransa ilə Afrikada ümumilikdə 250 min iş yeri yaradılacaq.
