İslam İnqilabı Keşikçiləri Korpusu (SEPAH) ABŞ-ın İrana məxsus Bəndər-Abbas hava limanı yaxınlığındakı obyektə endirdiyi zərbələrə cavab olaraq Amerika hərbi bazasına hücum edib.
Modern.az xəbər verir ki, SEPAH bununla bağlı mayın 28-də bəyanat yayıb.
“Bu cavab düşmənə ciddi xəbərdarlıqdır ki, hücum cavabsız qalmayacaq və bu təkrarlanarsa, cavabımız daha qətiyyətli olacaq”, - deyə bəyanatdan bir hissəni "Tasnim" yayıb.
SEPAH-ın bildirdiyinə görə, nəticələrə görə məsuliyyət ABŞ-ın üzərinə düşür.
Daha əvvəl "Reuters" agentliyi ABŞ-ın İran hərbi obyektinə zərbələr endirdiyini xəbər vermişdi. Amerika hərbçiləri həmçinin təhlükə yaradan bir neçə İran pilotsuz uçuş aparatını (PUA) ələ keçirərək məhv ediblər.
